Në selinë e Agjencisë Shtetërore për Mbrojtjen e të Dhënave Personale me fillim nga ora 17:00 u zhvillua nje takim pune, me ekspertët e autorizuar nga Zyra Ndërlidhëse e BE-së ne Prishtinë, respektivisht BE-ja, në fushën ligjore dhe të sigurisë,
Nga ASHMDHP-ja, në këtë takim mori pjesë Z. Ruzhdi Jashari – Mbikqyrës Kryesor Shtetëror, dhe z. Mentor Hoxhaj zv.Mbikqyrës, ndërsa nga te autorizuarit e Zyrës Ndërlidhese BE-së respektivisht BE-ja, morën pjesë Ekspertët Z. Thomas Pepper, atashe/zyrtar ndërlidhës i policisë së Austrisë në Ambasaden Austriake në Slloveni dhe Stephane Dekerle, Kolonel i Xhandarmerisë së Francës.
Gjatë këtij takimi u diskutuan tema të ndryshme, mbi aspektet ligjore të Ligjit për Përgjime dhe ndërlidhja e tij me Ligjin për Mbrojtjen e të Dhënave Personale, pastaj aplikimi praktik i këtyre ligjeve, respektivisht u këmbyen mendime rreth menxhimit dhe vënjes në zbatim praktikë të Ligjit për Përgjime.