Agjencia Shtetërore për Mbrojtjen e të Dhënave Personale u bën thirrje të gjithë kontrollorëve dhe përpunesve të të dhënave personale në sektorin publik dhe atë privat, veçmas operatorëve të telekomunikimit (telefonisë mobile) si lansues të SMS-ve, që marketingun e këtillë e bëjnë me qëllim të zhvillimit të fushatës zgjedhore, që të kenë kujdes për mos-shqetësimin e subjekteve të të dhënave personale, me rastin e përdorimit të marketingut të drejtëpërdrejtë, që bie në kundërshtim me dispozitat e Ligjit për Mbrojtjen e të Dhënave Personale. Aplikimi i marketingut të drejtpërdrejtë pa pëlqimin e subjektit të të dhënave përbën shkelje të dispozitave ligjore, respektivisht të të nenit 59 dhe 60 të Ligjit për Mbrojtjen e të Dhënave Personale të Republikës së Kosovës.