Prishtinë, 02 korrik 2015 – Sot, Agjencia Shtetërore për Mbrojtjen e të Dhënave Personale, në bashkëpunim me Zyrën e BE në Kosovë, ka shënuar 4 vjetorin e themelimit të saj me një numër aktivitetesh, përfshi këtu komunikimin me një numër të madh të qytetarëve në një prezantim në qendër të Prishtinës, ku Agjencia ka shpërndarë materiale promovuese, si dhe ka pyetur dhe ka informuar qytetarët për ruajtjen e të dhënave të tyre personale.
Agjencia, po ashtu, dy ditë më parë, ka shënuar përvjetorin e saj të 4-të në një prezantim dhe koktej për përfaqësues të institucioneve të Kosovës, shoqërisë civile, sektorit privat dhe mediumeve. Në këtë ngjarje janë identifikuar dhe shpërblyer zyrtarë për mbrojtje të dhënave për punën e tyre në institucionet, organizatat dhe kompanitë ku ata punojnë, si dhe është identifikuar dhe shpërblyer zyrtarja më e mirë e vitit e Agjencisë.
Për më shumë informata për Agjencinë Shtetërore për Mbrojtjen e të Dhënave Personale, vizitoni www.amdp-rks.org
Për më shumë informata, kontaktoni Jeton Arifi në numrin e telefonit +37744254785,  ose nëpërmjet emailit në jeton.arifi@rks-gov.net