Me temën mbi sigurinë e të dhënave personale, Agjencia, në bashkëpunim me projektin e Zyrës së BE-së në Kosovë ‘Mbështetje për Institucionet e Kosovës në Fushën e Mbrojtjes së të Dhënave Personale’, mbajti trajnimin për zyrtarët për mbrojtjen e të dhënave personale të institucioneve të ndryshme.
Ligjërues i këtij trajnimi ishte Dr. Stefan Szysko / ekspert , i cili, për disa nga zyrtarët për mbrojtjen e të dhënave të institucioneve publike e private shpalosi informacione të shumta praktike mbi sigurinë e të dhënave. Duke analizuar raste konkrete, ai solli praktikat e veprimit në rastet e rrezikut gjatë përpunimit të të dhënave apo edhe keqpërdorimit të tyre.
Në fund të këtij trajnimi, zyrtarët mbrojtës u pajisën me certifikatë si ndjekjes të trajnimit ‘’Siguria e të Dhënave’’, me ç’rast, zyrtarët falënderuan Agjencinë dhe zyrën e BE-së për mbështetjen e vazhdueshme që po u jepet atyre.