Të nderuar qytetarë!

Agjencia Shtetërore për Mbrojtjen e të Dhënave Personale njofton publikun që nuk qëndron prapa organizimit të Konferencës ‘Siguria Kibernetike – Privatësia’ (Cyber Security – Privacy), e cila është paralajmëruar edhe përmes reklamave nëpër portale informative që do të mbahet më datën 18 janar 2016. Njëkohësisht, ASHMDHP njofton publikun që organizimi i saj tradicional, i cili trajton çështjet e mbrojtjes së të dhënave personale e të privatësisë, ku, përveç të ftuarve nga institucionet vendore dhe kompanitë private, do të jenë të pranishëm edhe përfaqësues nga autoritetet homologe nga rajoni, do të mbahet më 28 janar 2016, pikërisht në Ditën Ndërkombëtare të Privatësisë.

Sinqerisht,
Ruzhdi Jashari
Mbikëqyrës Kryesor Shtetëror
ASHMDHP