Mbikëqyrësi Kryesorë Shtetëror z. Ruzhdi Jashari, pran zyrës së tij,  në një takim pune priti z. Witold Jakimko - gjykatës në EULEX. Gjatë këtij takimi u bashkëbisedua rreth aspekteve të punës së përbashkët në fushën e mbrojtjes se të dhënave gjegjësisht respektimin e ligjit për mbrojtjen e të dhënave personale gjatë përpunimit të tyre. Me theks të veçante u diskutua për sektorin e drejtësisë, sundimin e ligjit në sistemin e gjykatave.

Nga ana e tij z. Jashari shprehi gatishmërinë qe Agjencia te mbështes sektorin e gjyqësisë ne trajnimet e nevojshme qe ndërlidhen me fushën e mbrojtjes së të Dhënave Personale- ligjin 03 L/172.

z. Jakimko  falënderoi z. Jashari për gatishmërinë dhe bashkëpunimin për këtë iniciativë. Hapat konkret për realizimin e kësaj ideje do të bashkërendohen mes Agjencisë Shtetërore për Mbrojtjen e të Dhënave Personale, Gjykatës Supreme, Këshillit Gjyqësor dhe Ministrisë së Drejtësisë.