Ambasadori Italian në Kosovë pret në takim Komisioneren për Informim dhe Privatësi

Komisionerja e Agjencisë për Informim dhe Privatësi , znj. Krenare Sogojeva-Dërmaku, u prit në takim nga Ambasadori Italian në Kosovë, z. Antonello De Riu, si dhe zv. Shefi I misionit, z. Ferrero Ugo. Fillimisht, Ambasadori e përgëzoi Komisioneren për pozitën e rëndësishme dhe punën që ka për sa i përket transparencës dhe llogaridhënies nga institucionet publike. Komisionerja e falenderoi për pritjen dhe e njoftoi atë lidhur me punën, arritjet, bashkëpunimet, si dhe sfidat e Agjencisë për Informim dhe Privatësi.

Më tej, Komisionerja dhe Ambasadori ndan mendimin e njëjtë lidhur me rëndësinë e bashkëpunimit me vendet e Europës, me qëllim të arritjes së implementimit sa më adekuat të ligjeve përkatëse. Andaj, edhe u dakorduan për bashkëpunim të mëtutjeshëm për sa i përket kësaj çështje.

Komisionerja e falenderoi Ambasadorin për takimin dhe theksoi rolin e rëndësishëm që ka për Agjencinë një bashkëpunim i tillë me autoritetin e Italisë.