Mbikëqyrësi Kryesor Shtetëror z. Ruzhdi Jashari priti në një takim një delegacion të Postës së Kosovës të përbërë prej z. Sejdi Hoxha (Kryeshef Ekzekutiv), z. Xhevdet Smakiqi (Drejtor i Drejtorisë Ligjore), z. Burim Geci (Drejtor Operativ).
Kryeshefi Ekzekutiv i Postës së Kosovës, fillimisht e njoftoi z. Jashari rreth zhvillimeve në institucionin që ai drejton, duke i vënë theks të veçantë shqetësimeve të tyre, që kanë të bëjnë me ndërhyrjen e ndërmarrjeve publike në mandatin që ka Posta e Kosovës.
Gjatë diskutimit të përbashkët në këtë takim, përfaqësuesit e Postës së Kosovës adresuan kërkesën e tyre para Mbikëqyrësit Kryesor Shtetëror që të ushtrojë autoritetin e saj ligjor për të ndikuar që autoritetet rregullative dhe vet ndërmarrjet publike ta zbatojnë plotësisht Ligjin për Mbrojtjen e të Dhënave Personale, i cili do të ndikonte në zvogëlimin e ndërhyrjeve të lartpërmendura në mandatin që ka Posta e Kosovës.
Z. Jashari, në vijim të diskutimeve, i informoi hollësisht përfaqësuesit e Postës së Kosovës për mandatin ligjor të Agjencisë, fushatat sensibilizuese, tryezat e rrumbullakta etj., që Agjencia ka organizuar tri vitet e fundit me qëllim të ndërgjegjësimit të këtyre autoriteteve për t’a ushtruar veprimtarinë e tyre pa bërë shkelje të të dhënave personale të qytetarëve.
Në fund, palët u dakorduan që të vazhdojnë komunikimin e tyre për të materializuar bashkëveprimin e mëtejmë me organizime të përbashkëta të karakterit vetëdijesues.

Divizioni për Marrëdhënie me Publikun
DRMJ