GIZ Kosovo EULEX Kosovo (Official) OSCE Mission in Kosovo UNMIK – United Nations Mission in Kosovo Zyra e Bashkimit Evropian në Kosovë Unicef Kosovo Programme U.S. Embassy Pristina, Kosovo Council of Europe Office in Pristina

#TashedhemëSigurt #Mbroj #Zbulo #Reago

Agjencia për Informim dhe Privatësi ka mbajtur një takim me donatorët për të shprehur mirënjohjen e saj të sinqertë për të gjithë ata që kanë mbështetur përpjekjet e saj në sigurimin e mbrojtjes së të dhënave personale dhe privatësisë. Në takim morën pjesë përfaqësues të nderuar, duke përfshirë edhe Ambasadorin e OSBE-së, i cili përgëzoi Agjencinë për përpjekjet e saj dhe vlerësoi takimin si model që institucionet e tjera ta ndjekin.

Gjatë takimit, të arriturat e Agjencisë u ndanë me donatorët dhe u vlerësuan kontributet e tyre të çmuara. Komisionerja për Informim dhe Privatësi, znj. Krenare Sogojeva Dërmaku, shprehu vlerësimin e saj për mbështetjen e marrë dhe theksoi rëndësinë e një mbështetjeje të tillë në arritjen e objektivave të Agjencisë. Donatorët, nga ana e tyre, u zotuan për mbështetjen e tyre të vazhdueshme dhe ndanë eksperiencat e tyre të bashkëpunimit me Agjencinë, si dhe planet e tyre për bashkëpunimet e ardhshme.

Misioni i AIP-së është që të siguroj mbrojtjen e të dhënave personale dhe të rrit ndërgjegjësimin në këtë drejtim tek qytetarët në përputhje me të drejtat themelore që lidhen me privatësinë të përcaktuara në Ligjin për Mbrojtjen e të Dhënave Personale dhe Kushtetutë. Në anën tjetër, vizioni ynë është të jemi një autoritet kompetent dhe i njohur ndërkombëtarisht, i cili ka ndikim në mbrojtjen e të dhënave personale dhe rrit ndërgjegjësimin e publikut në këtë drejtim.

Edhe një herë, AIP shpreh vlerësimin më të thellë për të gjithë donatorët e saj për mbështetjen e tyre të palëkundur.

Agjencia pret partneritete të vazhdueshme në ndjekjen e misionit të saj.