Komisionerja për Informim dhe Privatësi pret në takim Drejtorin Ekzekutiv të Qendrës Avokuese për Kulturë Demokratike (ACDC)

Në kuadër të bashkëpunimit me organizatat jo-qeveritare për promovimin e së drejtës për qasje në dokumente publike dhe mbrojtje të të dhënave personale, Komisionerja për Informim dhe Privatësi, Krenare Sogojeva Dërmaku, dhe Drejtorja e Përgjithshme e Agjencisë, Lumnije Demi, sot u takuan me Drejtorin Ekzekutiv të OJQ-së ACDC, Dušan Radaković.

Gjatë takimit u diskutuan mundësitë e bashkëpunimit me OJQ-në ACDC në promovimin e mandatit të Agjencisë për Informim dhe Privatësi, veçanërisht në garantimin e mbrojtjes së të dhënave personale të qytetarëve dhe në sigurimin e qasjes në dokumente publike.